Nammineq pilersorneq aamma kalaallit nerisassiassaataannik atuinerulerneq
Inuussutissarsiornermut suliffeqarnermullu ataatsimiititaliap suliniut maanna aallartippaa, tamatumani siunertarineqarluni kalaallit nerisassiassaataannik
pisortat suliffeqarfiini atuisullu atuinerulernissaat.
Kommune Kujalleq suliniummut atugassanik 385.000,- koruuninik aningaasaliiffigineqarsimavoq, aningaasallu atorneqassapput pisortat suliffeqarfiini igasut
pikkorissartinneqarnissaannut, kalaallit nerisassiassaataannik atuinerulernissamut ussassaarutinut, aamma kalaallit nerisassiassaataannik tunisisartut
suleqatigalugit suliassanut assigiinngitsunut.
Inuussutissarsiornermut ataatsimiititaliaq Narsami Nanortalimmilu igaffimmi pisortanik pissarsiaqaataalluartumik ataatsimeeqateqartarsimavoq,
tullinnguupporlu Qaqortumi taamatut ataatsimeeqatigiinnissaq.
Suliniut pillugu allaaserisaq uani atuarsinnaavat
